DUQ ning 5- Nowetlik Wekiller Qurultiyini Chaqirish Heqqide Bayanati

Dunya Uyghur Qurultiyining (DUQ) 5-Nowetlik Wekiller Qurultiyi 2016-yili 6-ayning 1-kunidin 5-kunigiche Amirki’ning paytexti Washington’da echilidu.

Dunya Uyghur Qurultiyining (DUQ) 5-Nowetlik Wekiller Qurultiyi 2016-yili 6-ayning 1-kunidin 5-kunigiche Amirki’ning paytexti Washington’da echilidu. DUQ ning 5- qurultiyi, hem xelqara weziyet hem xitay’diki siyasi we iqtisadi murekkep halette boliwatqan bir peytte echilidighanliqi uchun, intayin muhim ehmiyetke ige qurultaydur. Mezkur qurultay Sherqiy Turkestandiki xelqimizning 5-iyul Urumchi qirghinchiliqidin keyin Xitay hokumitige bolghan qarshiliqlirining salmiqi we qetim sani uzluksiz eshiwatqan hemde Xitay hokumitiningmu xelqimizge qaritiwatqan assimilatsiye qilish siyasetliri wehshileshken bir mezgilge toghra kelidu. Chet’eldiki birdin bir xelq’araliq Uyghur teshkilati bolush supiti bilen, Rabiye Qadir xanimning yetekchilikide Uyghurlarning milliy azadliq herikitige bashchiliq qilip keliwatidu. Mushu nuqtidin elip eytqanda, mezkur qurultayning ghelibilik echilishi chet’ellerdiki milliy azadliq hetrikitining izchil, ghelibilik we sistemiliq elip berilishida nahayiti halqiliq ehmiyetke igidur.

Bu qetimqi Qurultaygha, 4- Qurultay’gha qatnashqan wekiller, Muhajirete paaliyet elip berwatqan barliq Sherqiy Turkistan Teshkilatlirining wekiliri, Jamaet erbapliri, wetenperwer zatlar, ziyalilar , Dini ulamalar we Uyghur yashlari weklliri qatnishidu. Qulultay’da DUQ’ning nizamnemisini kozdin kechurush, DUQ rehberlik heytini saylash we DUQ’ning kiler 4 yilliq programmisi, paaliyet pilani we yol xeritisini bekitishtin bashqa yen, Sherqiy Turkistan dawasini teximu kuchlendurushning chare-tedbirliri, we muhim qararlar qobul qilinidu.

DUQ yoqluqtin barliqqa kelip, zoriyip mana bugun hem xelqimiz, teripidin hem xitay hokumiti teripidin hemde xelqara jamaet teripidin Uyghur xelqining wekili dep tunulghan bir ki haletke keldi. Lekin bu jeryanda DUQ nurghun qeyinchiliqlar’gha uchridi. Qatmu qat qiyinchiliqlar uni bash egdurelmidi; eksiche 20 milyondin artuq Sherqiy Turkestanliqlarning azadliq arzusini ozining siyasiy nishani qilghan bu teshkilat ghelbiliri bilen ilgirilep mangmaqta.

Xitayning DUQ gha qarita nechche qetim qozghighan keng kolemlik bohtan chaplash, yetim qaldurushqa urunush we ichidin parchilash suyiqestliri bir-birlep bit chit boldi. Bu xirislarni DUQ aldi bilen Allahning iradisi, andin xelqimizning duasi we qollashliri hemde DUQ diki ezimetlerning pidakarliqliri bilen yengip keldi. Bu qurultay xelqimizning siyasiy nishanini ishqa ashurush uchun tedbir izdeydighan, xelqimizning kuresh iradisini yene bir qetim ilhamlanduridighan we chet’ellerdiki bizni qollap keliwatqan herqaysi doletler, siyasiy partiyiler we hokumetsiz teshkilatlargha ozimizning kelgusi nishani heqqide uchur beridighan bir qurultaydur. Bu qurultayda Uyghurlarning erkinliktin ibaret siyasiy nishani dunyagha yene bir qetim jakarlinidu.

Bu qetimqi qurultay Uyghur milliy herikitide xilmu xil pikir-eqimidiki wekillerning oz pikirlirini erkin otturigha qoyush boyiche demokratik sorun teyyarlaydu.

Mezkur qurultayning Amerika-Xitay munasiwetlirin her jehettin yiriklishiwatqan bir peyitte Amerikining Paytexti Washington’da otkuzulushi Alahide muhim bir hadisidur.

DUQ’ning 5- umumi qurultayning utuqluq elip berilishigha kapaletlik qilish uchun, yeqinda Qurultay Teyyarliq Komiteti qurup chiqilidu.

Biz dunyaning herqaysi jayliridiki wetendashlirimizning DUQ’ning 5- qurultaygha qarita pikir-teleplirini we tekliplirini, yeqinda elan qilinidighan email adresi we telepon nomuri arqiliq bizge ewetishini qarshi alimiz:

Rabiye Qadir